Մարդու իրավունքները Հայաստանում

տեսակետ

«Խիզախ կին» մրցանակ Մարիամ Սուխուդյանին

Մարտ 11, 2010

Հայաստանում ԱՄՆ դեսպան Մարի Յովանովիչը դեսպանատանը կազմակերպած ընդունելության ժամանակ «Խիզախ կին» մրցանակ հանձնեց «ՍՈՍ-Թեղուտ» նախաձեռնության ակտիվիստ Մարիամ Սուխուդյանին: Դեսպանի խոսքով «Խիզախ կին» անվանումով մրցանակ երբեևէ չի եղել, և այն իր տեսակի մեջ առաջինն է։

Մարդու իրավունքների միջազգային ֆեդերացիան (FIDH) և Քաղաքացիական հասարակության ինստիտուտ հկ–ն ողջունում են Սաշա Դավթյանի ազատ արձակումը 2010 թ. փետրվարի 26–ին և կոչ են անում քննություն իրականացնել նրան խոշտանգումների ենթարկելու վերաբերյալ

Մարտ 10, 2010

Մարդու իրավունքների միջազգային ֆեդերացիան (FIDH) և Քաղաքացիական հասարակության ինստիտուտ հկ-ն ողջունում են Սաշա Դավթյանի ազատ արձակումը և կոչ են անում անհապաղ քննություն անցկացնել նրան խոշտանգումների ենթարկելու վերաբերյալ։ 2010թ. փետրվարի 26-ին Վերաքննիչ դատարանը 1 տարով նվազեցրեց նրա ազատազրկման ժամկետը՝ թողնելով 3 տարի։ Սաշա Դավթյանի նկատմամբ կիրառվեց 2009թ. հունիսի 19-ին Ազգային ժողովի կողմից ընդունված համաներման մասին որոշումը և նրան անմիջապես ազատ արձակեցին։

Խարդախության զոհը

Մարտ 09, 2010

Խարդախության մեղադրանքով 5 տարվա ազատազրկման դատապարտված Նշան Հարությունյանի փաստաբանը դիմել է ՀՀ վճռաբեկ դատարան՝ Վերաքննիչ դատարանի որոշումը բեկանելու և առաջին ատյանի դատարանում՝դատավորների այլ կազմով գործը նոր քննության առնելու համար։ Գործն առաջին ատյան հետ բերելով՝ փաստաբանը հույս ունի այս կերպ իր պաշտպանյալին արդարացնել։

Ոստիկաններին սանձելու ժամանակը

Մարտ 05, 2010

Ներկայացնելով վերաքննիչ բողոք դատախազությունը հիմնավորել է ճանապարհային ոստիկանության տեսուչներին կալանավորելու անհրաժեշտությունը: Ինչպիսին է լինելու Վերաքննիչ քրեական դատարանի դիրքորոշումը` կտեղեկանանք այսօր։ Սա այն նույն դատարանն է, որի որոշմամբ նախկինում կալանավորվել էին իրական տուժողները։

Դատավորներից լավագույնները

Մարտ 03, 2010

Տարվա լավագույն դատավոր մրցանակը սահմանվել էր այս տարվա փետրվարին, երբ Հայաստանի արդարադատության խորհրդի նիստում ձևավորվեց տարվա լավագույն դատավոր և տարվա լավագույն դատարան մրցանակներ հանձնող հանձնաժողով։

Սաշա Դավթյանն ազատ արձակվեց

Փետրվար 26, 2010

Այսօր Վերաքննիչ քրեական դատարանում սկսվեց և ավարտվեց Արագածոտնի մարզի Կաթնաղբյուր գյուղի բնակիչ Սաշա Դավթյանի բողոքի քննությունը, որով վերջինս խնդրել էր մասնակիորեն բեկանել իր նկատմամբ առաջին ատյանի դատարանի կողմից կայացրած վճիռը ՀՀ քր.օրի 119 հոդվածը (խոշտանգում) և մեղմ պատիժ սահմանել։ Վերաքննիչ դատարանը բավարարեց բողոքը, և Սաշա Դավթյանը ազատ արձակվեց դատարանի դահլիճից։