Նորություններ

  • Պրոբացիայի ծառայության շահառուներին օգնում են կրթության և զբաղվածության հարցերում

    20.01.2018
    ՀՀ պրոբացիոն ծառայությունը համագործակցում է մի շարք գերատեսչությունների հետ: Հունվարի 19-ին Պրոբացիոն ծառայության մեկուկես տարվա աշխատանքն ամփոփելիս այս մասին նշեց ՀՀ պրոբացիայի պետական ծառայության պետ Արսեն Նավասարդյանը: Նա նշեց, որ իրենք փորձում են նախ հասկանալ՝ անձը ինչ խնդիրներ ունի, ինչի վրա է պետք կոնկրետ թիրախավորված աշխատել: Այս ամենից հետո կազմվում է վերահսկողության պլան, նշվում են միջամտությունները, թե ինչ պետք է արվի, եթե տվյալ անձն ունի կրթության խնդիրներ, ուղղորդում են այն մարմնին, որտեղ անձը կարող է գնալ ու կրթական իր խնդիրները լուծել:

  • Պրոբացիայի ծառայության առաջին տարվա գործունեության արդյունքները, խնդիրները և հեռանկարները

    19.01.2018
    Ս.թ. հունվարի 18-ին Երևանի «Էրեբունի Պլազա» բիզնես կենտրոնի «Էրեբունի» սրահում տեղի ունեցավ«Պրոբացիայի ծառայության առաջին տարվա գործունեության արդյունքները, խնդիրները և հեռանկարները» թեմայով քննարկում, որը կազմակերպվել էր «Քաղաքացիական հասարակության ինստիտուտ» (ՔՀԻ) ՀԿ-ի կողմից` ՀՀ ԱՆ Պրոբացիայի պետական ծառայության հետ համատեղ: Մասնակիցների թվում էին ՀՀ Արդարադատության նախարարի տեղակալ Սուրեն Քրմոյանը, ՀՀ ԱՆ Պրոբացիայի պետական ծառայության պետ Արսեն Նավասարդյանը, “Իրավաբանների հայկական ասոցիացիա” ՀԿ նախագահ Կարեն Զադոյանը և պետական կառույցների և հասարակական կազմակերպությունների այլ ներկայացուցիչներ:

  • Քննարկում՝ Պրոբացիայի ծառայության առաջին տարվա գործունեության արդյունքների, խնդիրների և հեռանկարների վերաբերյալ

    18.01.2018
    Երևանում հունվարի 18-ին տեղի է ունեցել «Պրոբացիայի ծառայության առաջին տարվա գործունեության արդյունքները, խնդիրները և հեռանկարները» թեմայով քննարկում, որը կազմակերպել էր «Քաղաքացիական հասարակության ինստիտուտ» հասարակական կազմակերպությունը՝ ՀՀ արդարադատության նախարարության հետ համատեղ: Միջոցառմանը մասնակցել են ՀՀ արդարադատության նախարարի տեղակալ Սուրեն Քրմոյանը, ՀՀ ԱՆ պրոբացիայի պետական ծառայության պետ Արսեն Նավասարդյանը, Քաղաքացիական հասարակության ինստիտուտ» ՀԿ տնօրեն Արտակ Կիրակոսյանը, «Իրավաբանների հայկական ասոցիացիա» ՀԿ նախագահ Կարեն Զադոյանը, այլք:

  • Հիմնադրվեց «Աջակցություն պրոբացիային» ազգային ցանցը

    04.12.2017
    Դեկտեմբերի 3-ին պրոբացիայի ոլորտում գործունեություն ծավալող քաղաքացիական հասարակության կազմակերպությունները (ՔՀԿ) ստորագրեցին համագործակցության հռչակագիր՝ այդպիսով հիմնադրելով «Աջակցություն պրոբացիային» ազգային ցանցը: Ցանցի նպատակն է խթանել Հայաստանում պրոբացիայի ինստիտուտի զարգացումը՝ օգտագործելով ՔՀԿ-ների ներուժը:

  • Պրոբացիայի ոլորտով հետաքրքրված ՀԿ-ները քննարկեցին համագործակցության հեռանկարները

    03.12.2017
    Դեկտեմբերի 2-3-ին Դիլիջանում «Քաղաքացիական հասարակության ինստիտուտ» ՀԿ-ը «Իրավաբանների հայկական ասոցիացիա» ՀԿ-ի և ՀՀ ԱՆ Պրոբացիայի պետական ծառայության հետ համագործակցությամբ կազմակերպեց «Պրոբացիայի պետական ծառայության և հասարակական կազմակերպությունների համագործակցության հեռանկարները» խորագրով աշխատաժողով: Աշխատաժողովին ներկա էին ՀՀ ԱՆ Պրոբացիայի պետական ծառայության պետ Արսեն Նավասարդյանը, Պրոբացիայի պետական ծառայության, ՀՀ պետական գերատեսչությունների ներկայացուցիչներ և Հայաստանի տարբեր մարզեր ներկայացնող և պրոբացիայի ոլորտում գործունեություն ծավալող ու պրոբացիայի շահառուներին ծառայություններ մատուցող հասարակական կազմակերպությունների անդամներ:

  • Արմավիրի մարզում կայացավ Պրոբացիայի պետական ծառայության գործունեությունը նեկայացնող հերթական հանդիպումը

    13.10.2017
    Աշխատանքային հանդիպմանը մասնակցություն ունեցած ՀԿ-ների ներկայացուցիչները մեծ հետաքրքրություն դրսևորեցին Պրոբացիայի ծառայության գործունեության նկատմամբ և ցանկություն հայտնեցին համագործակցության եզրեր գտնել ու ապագայում միանձնյա կամ համատեղ՝ մի քանի կազմակերպությունների միավորմամբ, ծրագրեր իրականացնել Պրոբացիայի ծառայության զարգացման և Պրոբացիայի ծառայության շահառուներին աջակցելու համար:

  • Դատապարտյալներին կընձեռվի մասնագիտություն ձեռք բերելու հնարավորություն

    12.10.2017
    Հոկտեմբերի 12-ի կառավարության նիստում որոշվել է պետական բյուջեից միջոցներ հատկացնել ազատազրկման ձևով պատիժը կրելու ավարտին վեց ամիս մնացած աշխատանք փնտրող անձանց համար մասնագիտական ուսուցման դասընթացներ կազմակերպելու նպատակով: Նրանցից բացի նախատեսվում է մասնագիտական ուսուցման դասընթացներում ներառել նաև գործազուրկներին և նրանց, ովքեր գտնվում են աշխատանքից ազատվելու շեմին, թվով 500 մարդ:

  • Երևանում կայացավ Պրոբացիայի պետական ծառայության գործունեությունը ներկայացնող հերթական աշխատանքային հանդիպումը

    03.10.2017
    Ս.թ. սեպտեմբերի 25-ին «Քաղաքացիական հասարակության ինստիտուտ» հասարակական կազմակերպությունը «Իրավաբանների հայկական ասոցիացիայի» և ՀՀ ԱՆ Պրոբացիայի պետական ծառայության հետ համագործակցությամբ ՔՀԻ-ի գրասենյակում կազմակերպել էր Պրոբացիայի պետական ծառայության վերաբերյալ հերթական աշխատանքային հանդիպումը: Հանդիպմանը մասնակցում էին ինչպես հասարակական ոլորտի ներկայացուցիչներ, այնպես էլ շահագրգիռ պետական կառույցների աշխատակիցներ, որոնց համախմբել էր Պրոբացիայի ծառայության կայացման մասին առաջարկություններ և քննարկումներ կատարելու ընդհանուր ցանկությունը:

  • Հրապարակվել է ՀՀ Արդարադատության նախարարության գործունեության տարեկան հաշվետվությունը. «Քաղաքացիական հասարակության ինստիտուտի» աշխատանքը գնահատված է

    02.10.2017
    Սեպտեմբերի 28-ին ՀՀ Արդարադատության նախարարությունը հրապարակել է նախարարության գործունեության տարեկան հաշվետվությունը (2016 թվականի սեպտեմբերից մինչև 2017 թվականի սեպտեմբեր ընկած ժամանակահատվածի համար:) Արդարադատության նախարարության հաշվետվությունը արդարադատության համակարգին առնչվող այլ ուղղությունների կողքին անդրադառնում է նաև նորաստեղծ Պրոբացիայի պետական ծառայության գործունեությանը և այս ոլորտում կատարված աշխատանքներին, ունեցած ձեռքբերումներին ու Ծառայության ծավալած արդյունավետ համագործակցությանը: Հաշվետվության մեջ հիշատակվում է նաև «Քաղաքացիական հասարակության ինստիտուտ» ՀԿ-ի ունեցած ներդրումը Պրոբացիայի ծառայության կայացման գործում՝ թվարկելով ՀՀ ԱՆ Պրոբացիայի պետական ծառայության հետ համագործակցության արդյունքում կյանքի կոչված ծրագրերը:

  • Պրոբացիայի պետական ծառայության գործունեությունը նեկայացնող հերթական հանդիպումները Տավուշի և Գեղարքունիքի մարզերում

    29.09.2017
    Սեպտեմբերի 18-ին Իջևանում և սեպտեմբերի 27-ին Գավառում «Քաղաքացիական հասարակության ինստիտուտ» ՀԿ-ն անցկացրեց «Պրոբացիայի պետական ծառայություն. ակնկալիքներ և համագործակցության հեռանկարներ» թեմայով աշխատանքային հանդիպումների շարքի հերթական հանդիպումները համապատասխանաբար Տավուշի և Գեղարքունիքի մարզի հասարակական կազմակերպությունների և Պրոբացիայի պետական ծառայության մարզային ներկայացուցիչների մասնակցությամբ:

  • Հաջորդ