Նորություններ

  • Լրագրողը դեռ մեկուսարանում է

     03.02.2012
    Փետրվարի 3-ի առավոտյան ձերբակալվել է «Հայկական ժամանակ» օրաթերթի թողարկման պատասխանատու, լրագրող Հայկ Գևորգյանը: Տանից աշխատանքի գնալիս ոստիկանները նրան բերման են ենթարկել ոստիկանության Կենտրոն բաժին, ավելի ուշ՝ կալանավորել և տեղափոխել «Նուբարաշեն» քրեակատարողական հիմնարկ:

  • Զինված ուժերում սպանություն է գրանցվել

     30.01.2012
    Հունվարի 27-ին' ժամը 03:05-ի սահմաններում, ԼՂՀ N մարտական դիրքում ստացած հրազենային մարմնական վնասվածքից տեղում մահացել է նույն զորամասի ժամկետային զինծառայող, Իջևանի բնակիչ շարքային Փայլակ Շահնազարյանը:

  • Դիրքորոշումը միասնական է՝ դեմ են ուրանի հանքերի հնարավոր շահագործմանը

     26.01.2012
    Հունվարի 25-ին Սյունիքի մարզի 9 հասարակական կազմակերպություններ բաց նամակով դիմել են ՀՀ նախագահին' պահանջելով Լեռնաձորում դադարեցնել ուրանի հանքաքարի որոնողահետախուզական աշխատանքները և չեղյալ համարել դրան առնչվող բոլոր որոշումները:

  • Սահմանադրական դատարանը քննեց Արտակ Նազարյանի մոր դիմումը

     24.01.2012
    ՀՀ սահմանադրական դատարանն այսօր Սահմանադրությանը հակասող չի ճանաչել ՀՀ քրեական դատավարության օրենսգրքի 59-րդ հոդվածի 1-ին մասի 9-րդ կետի՝ «Նախաքննության ավարտման պահից» դրույթը և 201-րդ հոդվածի 1-ին մասը։ Այս հարցը ՍԴ-ն քննում էր Արտակ Նազարյանի մոր՝ Հասմիկ Հովհաննիսյանի դիմումի համաձայն։

  • ՀԱԿ-ի համոզմամբ՝ մարտի մեկի գործն իշխանությունն իր համար արդեն փակել է

     23.01.2012
    Հայ ազգային կոնգրեսի իրավական աջակցության կենտրոնի ղեկավար Գագիկ Ջհանգիրյանը համոզված է, որ ՀՀ հատուկ քննչական ծառայության (ՀՔԾ) կողմից ներկայացված մարտի մեկի վերաբերյալ զեկույցը ստեղծվել է միայն ԵԽԽՎ 1837 բանաձևի 3-րդ կետի պահանջի կատարման ակնկալիքով և նշանակում է, որ այս կերպ իշխանությունները փակում են մարտի մեկն իրենց համար:

  • Ժ.Ալեքսանյան. «Ես առանց իրենց էլ կարողացել եմ աշխատել ու իրավապահ մարմինների հետ ավելի լավ եմ համագործակցել»

     23.01.2012
    «Լրագրողներ հանուն մարդու իրավունքների» հասարակական կազմակերպությունն այսօր հայտարարեց, որ հետ է վերցնում իր ստորագրությունը Մարդու իրավունքների պաշտպանի հետ ստորագրած համագործակցության հուշագրից: Ալեքսանյանը համոզված է, որ քննչական գործընթացին իր ներգրավումը կանխելու նպատակով ՄԻՊ գրասենյակը կարող էր ընդամենը մեկ հայտարարությամբ կամ պարզաբանմամբ հանդես գալ, ինչը չի արվել:

  • Պահանջում են ճանաչել զինվորի կյանքի իրավունքի խախտման փաստը

     20.01.2012
    ՀՀ վերաքննիչ քրեական դատարանը դեկտեմբերին վարույթ է ընդունել չորս համածառայակիցների կողմից ծեծվելու հետևանքով մահացած զինծայայող Գևորգ Կոծինյանի գործը (նախագահող դատավոր՝ Սերգեյ Չիչոյան): Դեկտեմբերի 26-ին նշանակված նախնական դատական նիստը հետաձգվել է, նիստի նոր օր դեռ նշանակված չէ: Վերաքննիչ բողոք են բերել գործի երկու կողմերն էլ:

  • Կրկնակի փորձաքննության արդյունքները պաշտոնապես դեռ չեն հրապարակվում

     20.01.2012
    Զինծառայող Տիգրան Համբարձումյանի մահվան գործով դատաբժշկական կրկնակի փորձաքննության արդյունքները 2011թ. դեկտեմբերից պատրաստ են: ՊՆ քննչական վարչությունը երկուշաբթի օրը միայն կտեղեկացնի մեզ՝ նպատակահարմար գտնո՞ւմ են փորձաքննության արդյունքների վերաբերյալ որոշակի տեղեկատվություն տրամադրել, թե՞ ոչ: Տիգրան Համբարձումյանի հայրը՝ Բենիկ Համբարձումյանը մեզ հետ զրույցում ասաց, որ նոր փորձաքննությամբ դատաբժիշկ Սևոյանը փորձել է «սվաղել» նախորդ փորձաքննության արդյունքները: «Ոչ մի նոր, լուրջ բան, որը կարող է օգնել գործի բացահայտմանը»,- կարծում է զինվորի հայրը:

  • Զինվորական է մահացել էսենցիայի թունավորումից

     20.01.2012
    Հունվարի 18-ին էսենցիայի թունավորումից մահացել է զինծառայող, ենթասպա Վահան Ասլիկյանը։ Ասլիկյանին նույն օրը տանը հայտնաբերել է կինը' արյունահոսելիս և տեղափոխել է «Սուրբ Գրիգոր Լուսավորիչ» բժշկական կենտրոն: Փաստի առթիվ հունվարի 19-ին քրեական գործ է հարուցվել ՀՀ քր.օր. 110 հոդվածի 1-ին մասով (ինքնասպանության հասցնել)։ Կատարվում է նախաքննություն

  • Զինված ուժերում մահվան դեպքերը նվազել են

     19.01.2012
    ՀՀ զինված ուժերում 2011 թվականի ընթացքում արձանագրվել է մահվան ելքով դեպքերի կտրուկ նվազում: Մասնավորապես՝ ամփոփումները վկայում են, որ 2011թ արձանագրվել է զինվորական ծառայությունն անցնելու հետ կապված մահվան 36 դեպք (որից 30-ը հանցագործության հետևանքով, այդ թվում' 10-ը հակառակորդի կողմից կատարված)' 2010 թվականին գրանցված 54 դեպքի դիմաց: Այս մասին հաղորդում է ՀՀ գլխավոր դատախազությունը։

  • Հաջորդ