Մամուլի տեսություն

  • Մայիսի 13-ի մամուլի տեսություն

     13.05.2010
    «Հայկական ժամանակի» փոխանցմամբ, ԵԽԽՎ-ում շրջանառության մեջ դրված «Բանակի ներգրավումը 2008 թ-ի մարտի հայաստանյան իրադարձություններին» նախագիծը ԵԽԽՎ Բյուրոն ուղարկել է ԵԽԽՎ Մոնիթորինգի հանձնաժողով, որը «կարող է որոշում կայացնել և սկանդալային այդ նախագիծն ընդգրկել ԵԽԽՎ լիագումար նիստի օրակարգում»: Թերթը հիշեցրել է, որ 8 կետից բաղկացած նախագծում առաջարկվում է անհատապես պատասխանատվության ենթարկել Մարտի 1-ի իրադարձություններում բանակի ներգրավման համար պատասխանատու բոլոր պաշտոնյաներին:

  • Մայիսի 12–ի մամուլի տեսություն

     12.05.2010
    Հայաստանում է գտնվում Եվրոպայի խորհրդի Խոշտանգումների և անմարդկային վերաբերմունքի կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեի պատվիրակությունը (CPT): Կազմակերպության ներկայացուցիչները երեկ հանդիպել են հայաստանյան իրավապաշտպան կազմակերպություններին։

  • Մայիսի 11-ի մամուլի տեսություն

     11.05.2010
    «Չորրորդ ինքնիշխանությունը» փոխանցում է. «Երեկ ֆոտոթղթակից Գագիկ Շամշյանը հրավիրվել է ՀՀ ոստիկանության քննչական գլխավոր վարչության Կենտրոնի բաժնի քննիչ Գարիկ Բեգոյանի մոտ: Վերջինս տեղեկացրել է Շամշյանին, որ նրա նկատմամբ հարուցվել է քրեական գործ' 333 հոդվածի 2-րդ մասի 2-րդ կետի հատկանիշներով (սուտ մատնություն): Քննիչը փորձել է Շամշյանից ստորագրություն վերցնել հանրապետությունից չբացակայելու վերաբերյալ, սակայն Շամշյանը հրաժարվել է ստորագրել որևէ փաստաթղթի տակ' պատճառաբանելով, թե չի ընդունում առաջադրված մեղադրանքը և այն բողոքարկելու է»: Հիշեցնենք, այս մեղադրանքը ֆոտոլրագրողի նկատմամբ հարուցվել է այն բանից հետո, երբ փետրվարին ՀՀ Գլխավոր դատախազության մոտ նկարահանման աշխատանքներ իրականացնելիս նրա վրա էր հարձակվել Էրեբունու քննչական բաժնի քննիչ Գագիկ Մարգարյանը:

  • Մայիսի 8-ի մամուլի տեսություն

     08.05.2010
    Մայիսյան հաղթանակների կապակցությամբ շնորհավորաքներ են հնչել նաև բանտից: Սասուն Միքայելյանը գրել է. «Մեծ հայրենականի հարգարժան վետերաններ, այսօր 65 տարվա հեռվից, երբ այդքան նոսրացել են ձեր երբեմնի կուռ շարքերը, երբ փոխվել են ժամանակներն ու հասարակարգը, անփոփոխ են մնացել Մեծ հաղթանակի փառքն ու ձեր սխրանքի անգնահատելի արժեքը: Չլիներ այդ հաղթանակը, չէր լինի նաեւ այսօրվա անկախ Հայաստանը: Հավերժ փա՛ռք այդ հաղթանակի համար իրենց կյանքը զոհաբերած բոլոր նահատակներին»:

  • Մայիսի 7-ի մամուլի տեսություն

     07.05.2010
    «Հայոց աշխարհը», վկայակոչելով ՀՔԾ-ի տարածած հաղորդագրությունը, գրել է. «Նորայր Չիլանի կինը հերքել է նաև Սաքունցի այն հայտարարությունը, թե իր այցելության պահին Նորայրը եղել է անկողնում պառկած»: Նա ասել է, որ իր ամուսնու հետ իրավապաշտպանի հանդիպումը տևել է մեկ րոպե և Նորայրը չի պատասխանել Սաքունցի հարցերին:

  • Մայիսի 6–ի մամուլի տեսություն

     06.05.2010
    «Հայկական ժամանակ» տեղեկություններով` «Չարենցավանի ոստիկանությունում բերման ենթարկված Վահան Խալաֆյանի սպանության գործիքի` դանակի վրա վերջինիս մատնահետքերը չեն հայտնաբերվել»: Թերթը գրում է. «Ոստիկանապետ Ալիկ Սարգսյանը ստիպված է լինելու այս կապակցությամբ էլ ներողություն խնդրել` կոնկրետ Խալաֆյանի հարազատներից»:

  • Մայիսի 5-ի մամուլի տեսություն

     05.05.2010
    «Առավոտն» անդրադարձել է ցմահ դատապարտվածներ Մհեր Ենոքյանի և Սողոմոն Քոչարյանի փախուստի գործով դատավարությանը, որը շարունակվեց երեկ հենց «Նուբարաշեն» ՔԿՀ-ում' դատավոր Արթուր Օհանյանի նախագահությամբ: Թերթի փոխանցմամբ, թե' բարոյական, թե' ֆիզիկական ճնշման մասին խոսեցին երկու ամբաստանյալները' նշելով, որ փախուստը պաշտպանության ձև է, որպեսզի վերանայվեն իրենց գործերը:

  • Մայիսի 4-ի մամուլի տեսություն

     04.05.2010
    «Հայկական ժամանակը» գրել է, որ ապրիլի 28-ին Արմավիրի զորամասերից մեկում տեղի ունեցած գործում նոր հանգամանքներ են ի հայտ գալիս: Երեկ ՊՆ-ն հաղորդագրություն էր տարածել, ըստ որի հրամանատար Խոսրով Շադյանը ինքնախեղման է դիմել' դանակի 4 հարված հասցնելով ինքն իրեն: Շադյանի հարազատները, սակայն, թերթին փոխանցել են, որ Խոսրովին կապել են աթոռին ու ծեծել զորամասի հրամանատար Գևորգ Ենոքյանը' Մարսո մականունով և նրա վարորդը' Կոբրա մականունով:

  • Մայիսի 1-ի մամուլի տեսություն

     01.05.2010
    «Հայոց աշխարհի» «Մեղավոր են ոստիկանության աշխատակիցները» հոդվածում կարդում ենք. «Պատշաճ նախաքննության և գողության մեջ կասկածվող երիտասարդների' բռնության ենթարկված լինելու վերաբերյալ չնչին իսկ կասկածի պարագայում, նրանց առնչությամբ ևս ժամանակին պիտի դատաբժշկական փորձաքննություն նշանակվեր»:

  • Ապրիլի 30-ի մամուլի տեսություն

     30.04.2010
    «Առավոտի» առաջին էջում կարդում ենք. «Առայժմ «սուտ մատնության» հոդվածով մեղադրանք չի առաջադրվել ՀՀ ոստիկանապետ Ալիկ Սարգսյանին, ով Չարենցավանի ոստիկնությունում տեղի ունեցած դեպքի հաջորդ օրը մամուլի ասուլիսում հայտնեց, որ Խալաֆյանի նկատմամբ բռնություն չի եղել, մարմնի վրա հետքեր չկան և ըստ էության, փորձ արեց քննությունն ուղղորդել «սխալ հետքի» վրա»:

  • Հաջորդ