Տեսանկյուն

Ժողովրդի կամքին հակառակ լինելը ևս մեկ պատճառ է օրենքը հակասահմանադրական ճանաչելու համար. Ա.Զեյնալյան

29.03.2014

Հանրության 93 տոկոսը թեև իրազեկված է պարտադիր կուտակային կենսաթոշակային համակարգի մասին, բայց այդ իրազեկվածների 88,7 տոկոսը դեմ է այդ համակարգին, որովհետև 34.3 տոկոսը կուտակված գումարները հետ ստանալու երաշխիք չի տեսնում, 32,9 տոկոսը Կառավարությանը չի վստահում, 27,3 տոկոսը աշխատավարձից հինգ տոկոս պահումը բավականին մեծ գումար է համարում, 18,8 տոկոսը չի վստահում ֆոնդերին, 18,4 տոկոսը դեմ է համակարգի պարտադիր լինելուն և այլն:

Սոցիոլագիական հարցման այս տվյալները մարտի 28-ին Սահմանադրական դատարանում ներկայացրեց իրավապաշտպան Արտակ Զեյնալյանը: Նա հանդես է գալիս որպես Ազգային ժողովի 36 պատգամավորների ներկայացուցիչ, ովքեր ՍԴ-ում վիճարկում են «Կուտակային կենսաթոշակների մասին» օրենքի մի քանի հոդվածների սահմանադրականությունը:

Արտակ Զեյնալյանի խոսքերով՝ հարցման այս արդյունքները հաստատել է նաև հանրապետության նախագահ Սերժ Սարգսյանը՝ ասելով, որ գիտի, որ հասարակության 80%-ը դժգոհ է այս որոշումից:

Իրավապաշտպանը հիշեցրեց, որ օրենքի հակասահմանադրական լինելու վերաբերյալ իրենց դիրքորոշումն են հայտնել նաև Փաստաբանների պալատը, Մարդու իրավունքների պաշտպանը, ՀՀ նախագահին կից Հանրային խորհուրդը:

«Ժողովրդի կամքին հակառակ լինելը ևս մեկ պատճառ է օրենքը Սահմանադրության 1-ին և 2-րդ հոդվածներին հակասող ճանաչելու համար»,- համոզված է Զեյնալյանը:

Այլ հրապարակումներ

ՍԴ–ում մեկնարկեց պարտադիր կուտակայինի սահմանադրականության հարցի քննությունը

«Մարդիկ զրկվելու են իրենց սեփականություն հանդիսացող դրամական միջոցները տնօրինելու իրավունքից». փաստաբան

ՍԴ հարցերին պատասխանեց Կենտրոնական բանկի ներկայացուցիչը

«Համակարգը նորից հետաձգելը ավելի ծանր հետևանքների կբերի». Արտեմ Ասատրյան

Աղբյուրը՝ www.hra.am