2012թ. հունվարի 16-ին Վերաքննիչ քրեական դատարանը (նախագահող դատավոր Մ.Ռեհանյան, դատավորներ՝ Ա.Դանիելյան, Ա.Հովհաննիսյան) որոշեց մերժել վերաքննիչ բողոքը և Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի 2011թ. նոյեմբերի 28-ի դատավճիռը թողնել անփոփոխ:
Գործի նկարագրություն
2011թ. մայիսի 15-ին՝ ժամը 09:00-ի սահմաններում, Երևանի Րաֆֆու փողոցի Սուրբ Երրորդություն եկեղեցու հարակից տարածքում վիճաբանություն է տեղի ունեցել եկեղեցու հոգևոր հովիվ Տեր Եսայի քահանա Արթենյանի և Եհովայի վկաներ կազմակերպության անդամ Անդրանիկ Մակվեցյանի միջև:
Ըստ գործի նյութերի՝ Տեր Եսայի քահանա Արտակ Արթենյանը, նկատելով, որ Եհովայի վկաներ աղանդավորական կազմակերպության անդամներ Անդրանիկ Մակվեցյանը և Սամվել Գրիգորյանը եկեղեցու բակում զբաղված են երկու քաղաքացիների քարոզչությամբ, մոտեցել է նրանց և խնդրել հեռանալ եկեղեցու տարածքից: Տղաները հրաժարվել են հեռանալ, վիճաբանության մեջ են մտել քահանայի հետ: Քահանան փորձել է իր բջջային հեռախոսով նկարել տղաների՝ քարոզչությամբ զբաղվելու փաստը, սակայն Անդրանիկ Մակվեցյանը խլել է հեռախոսը: Տեր Եսայի քահանան փորձել է ետ վերցնել հեռախոսը, սակայն Մակվեցյանը բռունցքով հարվածել է նրա ձեռքին:
Գործի նյութերում գրված է, որ Անդրանիկ Մակվեցյանը «քո հալը դեռ կտեսնես» և «կոկորդդ կրծելու եմ» արտահայտություններով առողջությանը ծանր վնաս պատճառելու սպառնալիքներ է հնչեցրել Տեր Եսայի քահանային և հեռացել:
Դեպքից հետո նույն օրը քահանան դիմել է ոստիկանություն: Անդրանիկ Մակվեցյանի դեմ քրեական գործ է հարուցվել է ՀՀ քրեական օրենսգրքի 118 հոդվածով (ծեծը), 322 հոդվածի առաջին մասով (ինքնիրավչությունը) և 137 հոդվածի առաջին մասով (սպանության, առողջությանը ծանր վնաս պատճառելու կամ գույք ոչնչացնելու սպառնալիքը):
Գործը Մալաթիա-Սեբաստիա վարչական շրջանի դատարան է ուղարկվել 2011թ. հունիսի 18-ին։
Պաշտպանող դատախազը 2011թ. հոկտեմբերի 10-ին որոշում է կայացրել Ա.Մակվեցյանին առաջադրված մեղադրանքի ծավալը փոխելու մասին և ավելացրել է ևս մեկ հոդված՝ ՀՀ քրեական օրենսգրքի 143-րդ հոդվածի 1-ին մասը (քաղաքացիների իրավահավասարությունը խախտելը):
2011թ. նոյեմբերի 28-ին Մալաթիա-Սեբաստիա վարչական շրջանի ընդհանուր իրավասության դատարանը (դատավոր Տ.Պետրոսյան) Անդրանիկ Մակվեցյանին մեղավոր ճանաչեց ՀՀ քրեական օրենսգրքի 143-րդ հոդվածի 1-ին մասով և դատապարտեց ազատազրկման 6 ամիս ժամկետով:
Դատարանի որոշումը Ա.Մակվեցյանը 2011թ. դեկտեմբերի 6-ին բողոքարկել է վերաքննիչ ատյանում՝ պահանջելով ամբողջությամբ բեկանել առաջին ատյանի դատարանի կայացրած որոշումը: Վերաքննիչ բողոք է ներկայացրել նաև Տեր Եսայի քահանա Արթենյանը՝ պահանջելով Մակվեցյանին մեղավոր ճանաչել բոլոր 4 հոդվածներով:
2011թ. դեկտեմբերի 23-ին Մարդու իրավունքների միջազգային ֆեդերացիան (FIDH) և իր անդամ կազմակերպություն «Քաղաքացիական հասարակության ինստիտուտը» հայտարարություն են տարածել, որով դատապարտում են «Եհովայի վկաներ» կրոնական կազմակերպության անդամ Անդրանիկ Մակվեցյանի՝ 6 ամիս ժամկետով ազատազրկումը:
2011թ. դեկտեմբերի 29-ին «Քաղաքացիական հասարակության ինստիտուտ» ՀԿ-ն ՀՀ վերաքննիչ դատարանին և հանրությանն է ներկայացրելայս գործի վերբերյալ Amicus curiae' իրավական մի շարք նորմերի վերլուծություն, որի միակ նպատակն է աջակցել դատարանին՝ արդար դատաքննություն իրականացնելու և արդար դատավճիռ կայացնելու հարցում: Amicus curiae-ին ամբողջությամբ ծանոթացեք այստեղ:
2012թ. հունվարի 16-ին Վերաքննիչ քրեական դատարանը (նախագահող դատավոր Մ.Ռեհանյան, դատավորներ՝ Ա.Դանիելյան, Ա.Հովհաննիսյան) որոշեց մերժել վերաքննիչ բողոքը և Մալաթիա-Սեբաստիա վարչական շրջանի ընդհանուր իրավասության առաջին ատյանի դատարանի 2011թ. նոյեմբերի 28-ի դատավճիռը թողնել անփոփոխ:
hra.am
